![\"gn\u00e9ast\u00e9acs\u00e1il](\"https:\/\/www.webwise.ie\/wp-content\/uploads\/2016\/03\/sexting.png\")
<\/p>\n<\/p>\n
T\u00e1 go leor c\u00faiseanna a malarta\u00edonn leana\u00ed t\u00e9acsanna g\u00e1irsi\u00fala. Go minic malarta\u00edtear teachtaireachta\u00ed mar chuid de chaidreamh r\u00f3m\u00e1ns\u00fail, mar mhe\u00e1n le caidreamh a chur ar aghaidh n\u00f3 mar chuid de ch\u00e9im cli\u00fasa\u00edochta\u00a0tosaigh. D\u00e9anann roinnt leana\u00ed cur s\u00edos ar gn\u00e9ast\u00e9acs\u00e1il mar chine\u00e1l gn\u00e9is sh\u00e1bh\u00e1ilte mar \u201cn\u00ed f\u00e9idir leat \u00e9ir\u00ed torrach n\u00e1 galar gn\u00e9as-tarchurtha a fh\u00e1il uaidh\u201d. T\u00e1 c\u00faiseanna eile a mb\u00edonn leana\u00ed i mbun gn\u00e9ast\u00e9acs\u00e1la. Clo\u00edonn go leor de na cusp\u00f3ir\u00ed seo leo si\u00fad a bh\u00edonn taobh thiar d\u2019iompair eile d\u00e9ag\u00f3ir\u00ed.<\/p>\n
Cuireann leana\u00ed i gcaidrimh r\u00f3m\u00e1ns\u00fala t\u00e9acsanna d\u2019\u00e1bhar gn\u00e9asach chun a gcaidreamh f\u00e9in a chur ar aghaidh agus mar bhealach chun a muin\u00edn ina ch\u00e9ile a l\u00e9iri\u00fa2. \u00das\u00e1ideann siad gn\u00e9ast\u00e9acs\u00e1il chomh maith chun cli\u00fasa\u00edocht a dh\u00e9anamh agus mar dhreasacht chun caidreamh a thos\u00fa. Is f\u00e9idir gn\u00e9ast\u00e9acs\u00e1il a \u00fas\u00e1id chun gn\u00e9asacht duine a chur in i\u00fal (\u00fas\u00e1ideann roinnt daoine faisean chun a mban\u00falacht n\u00f3 a bhfireannacht a chur in i\u00fal, ach d\u2019fh\u00e9adfadh daoine eile \u00edomh\u00e1nna gn\u00e9ast\u00e9acs\u00e1la a phost\u00e1il ar l\u00edne).<\/p>\n
B\u00edonn leana\u00ed i mbun gn\u00e9ast\u00e9acs\u00e1la chun cumars\u00e1id a dh\u00e9anamh lena ch\u00e9ile. Seolann d\u00e9ag\u00f3ir\u00ed n\u00edos \u00f3ige teachtaireachta\u00ed g\u00e1irsi\u00fala gn\u00e9is chuig cairde plat\u00f3nacha mar chine\u00e1l grinn. Do leana\u00ed i gcaidrimh r\u00f3m\u00e1ns\u00fala bhunaithe, d\u2019fh\u00e9adfadh c\u00f3mhalartacht bheith ina c\u00fais le gn\u00e9ast\u00e9acs\u00e1il mar gach uair a sheolann t\u00fa \u00e1bhar gn\u00e9ast\u00e9acs\u00e1la, gheobhaidh t\u00fa an rud c\u00e9anna ar ais. Gn\u00e9 den ghn\u00e9ast\u00e9acs\u00e1il a thaitn\u00edonn le daoine \u00f3ga is ea gur foirm phr\u00edobh\u00e1ideach cumars\u00e1ide at\u00e1 ann go hiond\u00fail, nach f\u00e9idir le daoine f\u00e1sta a fheice\u00e1il.<\/p>\n
T\u00e1 go leor sampla\u00ed feicthe sa chult\u00far pobail de dhaoine at\u00e1 c\u00e1ili\u00fail agus saibhir mar gheall ar fh\u00edse\u00e1n gn\u00e9is a sceitheadh. Mar gheall air seo, creideann roinnt daoine \u00f3ga go bhfuil seans ann go bhfeicf\u00ed iad agus go beadh gairm acu mar mhainic\u00edn n\u00f3 mar phearsa teilif\u00edse m\u00e1 chuireann siad picti\u00fair gh\u00e1irsi\u00fala ar l\u00edne. \u00das\u00e1ideann daoine \u00f3ga eile gn\u00e9ast\u00e9acs\u00e1il chun aird, dearbh\u00fa agus meas a fh\u00e1il \u00f3 dhaoine a bhfuil sp\u00e9is r\u00f3m\u00e1ns\u00fail acu iontu.<\/p>\n
B\u00edonn br\u00fanna socha\u00ed n\u00edos leithne ina gc\u00fais le roinnt daoine \u00f3ga a bheith ag gn\u00e9ast\u00e9acs\u00e1il. Is \u00e9 is ciall le \u2018gn\u00e9as\u00fa cult\u00fair\u2019 go motha\u00edonn go leor daoine \u00f3ga go bhfuil aon ionchas go mbreathn\u00f3id\u00eds ar bhealach \u00e1irithe agus go mbeid\u00eds gn\u00edomhach go gn\u00e9asach. S\u00edn\u00edonn an br\u00fa seo chuig gn\u00e9ast\u00e9acs\u00e1il. F\u00e9adfaidh br\u00fa piarghr\u00fapa cur leis an mbr\u00fa sin ar dhaoine \u00f3ga chun \u00e1bhar gn\u00e9ast\u00e9acs\u00e1la a sheoladh.<\/p>\n
Glacann go leor daoine \u00f3ga f\u00e9inphiceanna n\u00f3 grianghraif a thairgeann siad f\u00e9in mar tr\u00edna dh\u00e9anamh sin t\u00e1 siad in ann smacht bheith acu ar an gcaoi a bhfeiceann an domhan i gcoitinne iad. Is beag nach bhf\u00e9adf\u00e1 a r\u00e1 gur f\u00e9inphortr\u00e1id\u00ed iad f\u00e9inphiceanna agus gn\u00e9ast\u00e9acs\u00e1il den r\u00e9 nua-aimseartha. Tugann sainghn\u00e9 roghnaitheach agus f\u00e9int\u00e1irgthe na gn\u00e9ast\u00e9acs\u00e1la saghas cosanta do dhaoine \u00f3ga nuair at\u00e1 siad p\u00e1irteach i gcumars\u00e1id dhl\u00fathphearsanta.<\/p>\n
Chuir roinnt leana\u00ed \u00e1bhar gn\u00e9ast\u00e9acs\u00e1la ar f\u00e1il tr\u00ed thimpiste. Tharla s\u00e9 seo nuair nach raibh a fhios ag leana\u00ed go raibh ceamara\u00ed gr\u00e9as\u00e1in ar r\u00edomhair\u00ed n\u00f3 ar ghairis l\u00e1imhe ar si\u00fal agus gur athraigh siad \u00e9ada\u00ed os comhair an cheamara. I ndomhan ina mb\u00edonn guth\u00e1n le ceamara r\u00e9idh ag duine \u00e9igin i gc\u00f3na\u00ed, t\u00e1 s\u00e9 \u00e9asca \u00e1bhar gn\u00e9ast\u00e9acs\u00e1la a chruth\u00fa agus a dh\u00e1ileadh go mearg\u00e1nta agus gan cuimhneamh ar na hiarmhairt\u00ed.<\/p>\n
Ar an drochuair, bh\u00ed eachtra\u00ed ann nuair a rinneadh comh\u00e9igean ar dhaoine \u00f3ga chun \u00e1bhar gn\u00e9ast\u00e9acs\u00e1la a chruth\u00fa agus a sheoladh. Nuair a chuirtear \u00edomh\u00e1 dl\u00fathphearsanta amh\u00e1in chuig duine, f\u00e9adfaidh an duine sin an \u00edomh\u00e1 sin a \u00fas\u00e1id chun d\u00famh\u00e1l a dh\u00e9anamh ar an \u00edospartach ionas go seolfaidh siad tuilleadh \u00edomh\u00e1nna. T\u00e1 c\u00e1sanna ann inar chreach coirpigh ar dhaoine \u00f3ga agus d\u2019\u00fas\u00e1id siad \u00e1bhar gn\u00e9ast\u00e9acs\u00e1la chun suimeanna m\u00f3ra airgid a fh\u00e1il \u00f3 na daoine \u00f3ga. I gc\u00e1sanna eile, dh\u00e1il iarleann\u00e1n \u00e1bhar gn\u00e9ast\u00e9acs\u00e1la, chun d\u00edoltas a fh\u00e1il ar iarph\u00e1irt\u00ed.<\/p>\n
De r\u00e9ir mar a fh\u00e1sann leana\u00ed, t\u00e1 s\u00e9 r\u00e9as\u00fanach go mbeid\u00eds ag iarraidh tuiscint a fh\u00e1il ar an gcaoi a bhfuil a gcolainn ag athr\u00fa. Glacann roinnt leana\u00ed picti\u00fair d\u00e1 gcolainn nochta le cuidi\u00fa leo amharc n\u00edos fearr a fh\u00e1il ar a gcolainn f\u00e9in. B\u2019fh\u00e9idir nach mbeadh s\u00e9 i gceist acu riamh na h\u00edomh\u00e1nna sin a sheachadadh ach, tr\u00ed shainmh\u00edni\u00fa dl\u00edthi\u00fail, d\u2019fheadfa\u00ed f\u00e9achaint ar na h\u00edomh\u00e1nna mar phornagrafa\u00edocht leana\u00ed agus d\u2019fh\u00e9adfaid\u00eds a bheith ina n-\u00e1bhar gn\u00e9ast\u00e9acs\u00e1la chomh maith, d\u00e1 roinnf\u00ed na h\u00edomh\u00e1nna.<\/p>\n