Switched On
Forbraíodh an Clár Switched Onchun cúnamh agus tacaíocht a thabhairt d’oideoirí nuair a bhíonn daltaí rang 5 agus rang 6 á dteagasc acu faoi conas a bheith ina saoránaigh dhigiteacha ar bhealach sábháilte, freagrach, agus inniúil.
Maidir le
Tríd an gclár Switched On tarraingeofar aird na ndaltaí ar an gcaoi ar féidir leo bheith ina saoránaigh dhigiteacha ghníomhacha i réimse gníomhaíochtaí a bhaineann le cúrsaí digiteacha – bíodh sé sin cruthú nó foilsiú ábhair, bualadh le daoine, foghlaim, taighde nó cluichí a imirt.
Tríd an gclár, pléifidh daltaí príomh-thopaicí ar nós mífhaisnéis agus bréagaisnéis a aithint, ag coinneáil slán ar líne, am scáileáin a bhainistiú, agus faisnéis phearsanta agus príobháideachas a chosaint.
Switched On: Forbraíodh Clár Oideachais um Shaoránacht Dhigiteach do Rang 5 & Rang 6 i gcomhar le Coimisiún na Meán agus le tacaíocht uaidh.
Seisiún Faisnéise do Mhúinteoirí
Tá an Seisiún Faisnéise do Mhúinteoirí a bhí ar siúl le déanaí mar chuid de sheoladh an chláir Switched On ar fáil le breathnú air freisin. Faigh níos amach faoin gclár, déan Lámhleabhar an Mhúinteora a iniúchadh, mar aon leis an Ardán ar Líne idirghníomhach.
Conas an clár a úsáid
Tá treoracha tugtha san fhíseán seo le haghaidh an clár Switched On a úsáid, chomh maith le forbhreathnú ar dhá ghné thábhachtacha: ardán foghlama ar líne ina bhfuil gníomhaíochtaí i modúil idirghníomhacha, agus lámhleabhar an mhúinteora, ina bhfuil treoir céim ar chéim do gach gníomhaíocht.
Chun an clár a chur i gcrích go héifeachtach, ba cheart an lámhleabhar agus an t-ardán ar líne a úsáid in éineacht le chéile.
Tosaigh ag úsáid Switched On
Chun an clár a chur i gcrích go héifeachtach, ba cheart an lámhleabhar agus an t-ardán ar líne a úsáid in éineacht le chéile.
Lámhleabhar an Mhúinteora
Tá treoir céim ar chéim curtha ar fáil i Lámhleabhar an Mhúinteora maidir le gach gníomhaíocht.
Ardán ar Líne
Tá na nithe a leanas san áireamh leis an ardán:
- Ceacht buntreorach
- Ocht gcroímhodúl
- Ceacht um machnamh ar an gclár
Tá sé ar fáil i mBéarla agus i nGaeilge
Feidhmiú an Chláir
Suirbhéanna an chláir agus foirm aiseolais do mhúinteoirí.
Sula dtosóidh tú, tabhair amach an Suirbhé Réamhchláir. Cuidíonn sé sin leat eolas reatha agus dearcthaí na ndaltaí a mheas maidir le saoránacht dhigiteach.
Nuair a bheidh an clár críochnaithe agat, bain úsáid as an Suirbhé Iar-chláir chun dul chun cinn a thomhas agus le fáil amach cé chomh forbartha agus atá tuiscint na ndaltaí.
Nuair a bheidh an clár críochnaithe agat, glac cúpla nóiméad agus cliceáil ar Suirbhé Athbhreithnithe an Chláir atá ar fáil ar an leathanach baile. Tá do chuid aiseolais thar a bheith luachmhar dúinn chun cuidiú linn an acmhainn seo a choimeád ábhartha, cothrom le dáta, agus praiticiúil do mhúinteoirí.
Faisnéis
Faigh amach faoi chúrsaí ar líne saor in aisce, agus faoi acmhainní agus ábhair thacaíochta úsáideacha le cuidiú leat oideachas um shaoránacht dhigiteach a leabú go muiníneach i do chuid teagaisc agus foghlama.
Sábháilteacht ar Líne agus Saoránacht Dhigiteach
Tá sé mar aidhm ag an gcúrsa seo, a forbraíodh i gcomhar le hOide, Teicneolaíocht san Oideachas, an t-eolas, na hacmhainní agus an mhuinín a chur ar fáil do mhúinteoirí chun saoránacht dhigiteach a theagasc agus a ndaltaí a chumasú le bheith sábháilte, eiticiúil agus freagrach ar líne.
Clár Churadh na Saoránachta Digití (CSD)
Is tionscnamh é Clár Churadh na Saoránachta Digití, i gcomhpháirtíocht le Teicneolaíocht Dhigiteach Oide, a dearadh chun múinteoirí bunscoile a chumasú leis an eolas, na scileanna, agus na hacmhainní atá riachtanach chun saoránacht dhigiteach a theagasc go héifeachtach.
Faigh níos mó faisnéise faoi conas atá an tAcht um Sheirbhísí Digiteacha ag cuidiú le leanaí a choinneáil sábháilte ar líne.
