BíinCTRL

Dírítear san acmhainn Bí in Ctrl ar chomhéigean agus sracadh gnéasach leanaí ar líne a dhéanann daoine fásta ach is féidir le hiompar den chineál seo a bheith ar siúl i dtimpeallacht daoine óga atá ar comhaois leo freisin.

Comhlánaíonn an acmhainn Bí in Ctrl Taisceadáin agus díríonn an dá acmhainn ar oideachas a chur ar dhaltaí faoi iompar iomchuí ar líne agus ar chultúr a fhorbairt ina dtugtar tuairisc faoi ábhair imní agus ina gcothaítear ionbhá, ómós agus neart ag an am céanna. Moltar go n-úsáidfí Taisceadáin sa rang OSPS sula n-úsáidtear an acmhainn Bí in Ctrl.

Cuireann Clár Scoileanna na nGardaí faisnéis ar fáil do dhaoine óga maidir le húsáid substaintí, sábháilteacht phearsanta agus cibearshábháilteacht. Baintear é seo amach nuair a thugann Gardaí cuairt ar an seomra ranga agus iad i mbun plé leis na scoláirí. Tá Clár Scoileanna na nGardaí ina chuid chomhtháite den chlár OSPS. Réamhtheachtaí féideartha i gcomhair na hacmhainne sin is ea iarraidh ar na Gardaí an chéad cheacht agus an chaint faoi Bí in CTRL a sholáthar, mar chuid de Chlár Scoileanna na nGardaí.